بھاویں مسجد جا کے، بھاویں ‘کلا کر۔
‘نور محمدا’ ہن توں اﷲ اﷲ کر۔

من چوں ملبہ کڈھ کے سٹّ برائی دا،
لین لئی ناں ربّ دا صاف مسلا کر۔

پے نہ جاوے جھلنی آخر نوں فٹکار،
بہتا نہ بیتھوہا کم کولاّ کر۔

جے یگاں تکّ رکھنے جگّ تے جیوندا ناں،
چنگے کم نوں کہہ کے ‘ان شاءالله’ کر۔

ہینکڑباز خدا نوں چنگے لگدے نئیں،
کجھ نہ کجھ ہینکڑ دا ملّ سولاّ کر۔

جس نوں جدھر مرضی ٹلا ماریں پھیر،
پہلاں ہتھ وچ دین ایمان دا بلاکر۔

تیرا ساتھ خدا نے دے ہی دینیں ‘نور’
جدھر مرضی سچائی دا ہلاّ کر۔

(نور محمد نور)​