بےوزن شاعری اور سینہ زوری، ادبی گروپنگ

اکثر ناقدینِ اُردو شاعرانہ نثر اور نثری شاعری میں امتیاز نہیں کر سکے ، نثری نظم ، (نثری)اور ادب لطیف میں خلط مبحث کا اہم سبب بھی یہی ہے ‘‘شمس الرحمان فاروقی بھی نثری شاعری کو خطوط غالب ،اورآ زاد کی تحریروں ،سے جوڑ کر دیکھتے ہیں ،
شمس الر حمان فاروقی نثری نظم کی قدامت پر اتنی اور ایسی گفتگو نہ کرتے اگر ان کے معاصر محمد حسن نے یہ دعوی نہ کیا ہوتا کہ میں ایک نئی صنف شاعری کا تجربہ کر رہا ہوں ‘۔۔۔
مندرجہ بالا پیراگراف یہ بات بخوبی سمجھا رھا ھے کہ آزاد نظم سے پرے نثری یا نظمیہ انداز کا نام لیکر کوئی صنف مقبول کرنے میں بہت سے اھم لکھاریوں نے سعی کی ھے۔۔
پہلے تو قارئین کو آزاد نظم اور نثری میں موجود اھم ترین فرق کو سمجھنا ھوگا۔

نظم ، اردو میں کسی بھی ایسی تحریر کو کہتے ھیں جو پہلے سے معین کردہ قوانینِ لفظی و صوتی کی پابند ھو۔ صوتی پابندی اندرونی ساختیاتی پابندی ھے بالکل ایسے جیسے کسی کلاسیکل گائے گئے گانے میں اندرونی راگ کی حدود کو گانے کے دوران گانے والا ملحوظ نہیں رکھتا۔۔
چونکہ عوام الناس اس اندرونی بھید، صوتی بندش، یا عروض کو نہیں سمجھتے تو بقول عرفان ستار شاعری اور کلاسیکل موسیقی خواص کی چیز بن جاتی ھے۔۔ جس سے مَیں کسی اور منطقی دلیل کی وجہ سے اتفاق نہیں بھی کرتا۔

اندرونی بندش، یا مقرر کردہ حدود کیا ھیں ؟
کسی بھی زبان کے الفاظ کے ایک مخصوص ھجے ھوتے ھیں ایک خاص تلفظ ھوتا ھے۔۔ جیسے لفظ صَبَا ھے۔۔۔۔ اِسے صِبَا یعنی ص کے نیچے زیر ڈال کر پڑھا غلط ھے۔۔۔مگر اس سے بڑی غلطی اسی لفظ صَبَا کو پڑھتے ھوئے توڑ کر پڑھنا ھوگا جیسے۔۔۔صب آ۔۔۔۔۔۔ جسکی لغت اور لسانی فصاحتی قوانین کے خلاف گردانا جائے گا۔۔۔
اب لفظ صَبَِا کو دُھرائیں تو یہ ایک خآص ترکیبِ اعراب رکھتا ھے۔۔۔ یعنی زبر زبر جزم۔۔۔۔۔۔لیکن۔۔۔۔۔۔ صب آ۔۔۔۔۔۔۔ پڑھیں تو ۔۔۔۔۔ ترکیب اعراب ، زبر جزم زبر جزم ھوگی۔۔۔۔۔
جن الفاظ پر زبر زیر پیش ھو اُسے متحرک کہتے ھیں۔۔۔۔ اور جس پر جزم ھو اُسے ساکن کہا جاتا ھے۔۔۔ متشدد یعنی تشدید والے الفاظ ، میں تشدید پڑے حرف کو پہلے متحرک اور دوسرے ساکن جوڑے کی طرح شمار کیا جاتا ھے۔۔
اگر اوپر لکھی تشریح نہیں سمجھی جا سکی تو دوبارہ اسے پڑھیں تاکہ جو مَیں آگے سمجھانے جا رھا ھُوں اُسے سمجھنے میں کوئی دِقت نہ ھو۔۔۔
ایک اور مثآل دیکھیں۔۔۔۔ رستہ۔۔۔۔۔۔ یعنی رَستَہ ۔۔۔یعنی رَس تَہ۔۔۔۔ یہاں الفاظ کے اعراب کی تفصیل ، متحرک (رَ) ، ساکن (س) متحرک (تَ) اور ساکن ہ ھے۔۔۔

یاد رکھئیے کہ الفاظ کی آوازیں یا اصوات انہیں اعراب کی وجہ سے اردو میں ترتیب دئیے جاتے ھیں۔۔
الفاظ کے اعراب مختلف سَیٹ یا نمونہ جات بنا کر انہیں بحروں کا نام دیا جاتا ھے۔۔ ھم آسانی کے لئے عربی کے الفاظ استعمال کرتے ھیں ، کیونکہ عربی مین الفاظ کے ھجے کو اعراب سے ظاھر کرنے میں آسانی ھوتی ھے۔۔
کسی بھی بحر کے کسی رُکن میں استعمال کردہ حروف کی کوئی اھمیت نہیں ھوتی اصل اھمیت الفاظ کے اعراب کی ھوتی ھے۔۔۔ یہ اعراب ھی اندرونی نظم بناتے ھیں نظم کا مفہوم ایک آرڈر یا ترتیب ھے۔۔۔اندرونی آرڈر، تنظیم۔۔۔۔۔۔۔ راگ بھی ھوسکتا ھے اور عروضی زبان میں بحر بھی۔۔۔۔
غزلوں میں جو اوزان استعمال ھوتے ھیں ان میں تمام مصرعے ایک ھی وزن یا بحر کی پابندی سے ترتیب دئیے جاتے ھیں۔ یعنی اگر پہلے مصرع میں اعراب کا نمونہ ، رستہ رستہ رستہ رستہ۔۔۔۔۔۔۔۔۔۔۔۔۔۔۔۔۔۔۔۔ پر مشتمل ھو یعنی اس جیسے آوازوں پر مشتمل ھو۔۔۔ چار مرتبہ رستہ رستہ رستہ رستہ۔۔۔۔۔۔۔۔۔۔۔۔۔۔ تو تمام غذل کے ھر مصرع کو اسی پابندی میں ترتیب دیا جائے گا۔۔۔ جہاں یہ پابندی نہ ھوگا اس مصرع کو خآرج از وزن تصور کیا جائے گا۔۔
آزاد نظم اصل میں اس پابندی سے مبری نظم کی ایسی صورت ھے۔ جس میں مثال کے طور پر ، چار مرتبہ ھر مصرع میں رستہ رستہ رستہ رستہ کی بجائے۔۔۔۔مسلسل رستہ رستہ کی گردان کی جائے۔۔۔۔۔یا ایسے مصرعے ترتیب دئیے جاویں کہ یہ ترتیب بار بار بدلتی رھے۔۔۔مگر یہ لازم رھے گا کہ کوئی لفظ رستہ کے وزن یا آھنگ سے باھر نہ ھو۔۔۔۔ورنہ یہ نظم بھی بےوزن اور خارج الشاعری کہلائے گی۔۔۔۔
مندرجہ بالا تفصیل میں پابند شاعری میں نظم کے اندرونی اوزان کا ھونا ایک لازمی امر ھے۔۔۔ اگر اوزان کی پابندی نہ ھوگی تو یہ نثری کہلائے گی۔۔۔۔۔جسے کچھ لوگ نظم کہنے پر بضد ھیں۔۔
یہ بات ضرور ہے کہ نثری نظم کو آزاد نظم کے ساتھ جوڑنا نہیں کرنا چاہیئے، آزاد نظم ایک بالکل الگ چیز ہے جس میں بحر اور وزن کا خیال رکھا جاتا ہے اور قافیے کو چھوڑ دیا جاتا ہے ۔
جیسے یہ ایک آزاد نظم ھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کسی پر نظم لکھنے سے
کوئی مِل تو نہیں جاتا
کوئی تعریف
بانہوں کے برابر تو نہیں ھوتی
کسی آواز کے پاوں
کبھی دل پر نہیں چلتے
کبھی کشکول میں
قوس و قزح اُتری نہیں دیکھی
صحیفہ رِحل پر رکھنے سے
قرآں تو نہیں بنتا
کسی نے آج تک
شاعر کے آنسو
خود نہیں پونچھے
دلاسہ ، لفظ کی حد تک ھی اپنا کام کرتا ھے
کسی خواھش کو
سینے سے لگانے
کی اجازت تک نہیں ھوتی
تمھاری ضد کو پُورا کر دیا دیکھو
ستارے ، چاند، سُورج ، روشنی، خوشبو،
تمھارے دَر پہ کیا کیا دھر دیا دیکھو
گُلِ فردا !!
ابھی کِھل جاو ! کہنے سے
کوئی کِھل تو نہیں جاتا
کسی پر نظم لکھنے سے
کوئی مِل تو نہیں جاتا —
(رفیع رضا)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مندرجہ بالا نظم ایک بحر یا وزن میں لکھی ھوئی ھے۔۔۔۔ جو یہ ھے
مفاعیلن مفاعیلن مفاعیلن۔۔۔۔۔۔۔۔۔۔۔ مفاعیلن۔۔۔۔

یہ ایک مسلسل تکرار ھے۔۔۔۔
یہ اس آزاد نظم کا اندرونی وزن ، راگ، آرڈر، ترتیب ھے۔۔۔

اب آئیے دیکھتے ھیں کہ ۔۔۔۔ نثری کیا چیز ھے۔۔اس کی مثال دیکھیں اور پھر مَیں اُس نثری کو نظم میں ڈھالنے کی کوشش کروںگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
سورج مرُغ کی چونچ میں ھے
اور زمین آزاد ھے
چاند پانی میں
اور روشنی
میرے اندر
ھر چیز
اُلٹ پلٹ ھے
جہاں ھونی تھی
وھاں نہیں
جیسے
تُم کسی اور کے پاس ھو
مَیں کسی اور کے پاس ھُوں
(رفیع رضا)

مندرجہ بالا نثری تحریر کو آزاد نظم کی طرح اوپر نیچے ٹکڑوں میں لکھ دینے سے اسے آزاد نظم مت سمجھیں۔۔اسے پیرا گراف میں ھی لکھ دینا چاھئیے
۔۔۔۔۔۔۔ سورج مرُغ کی چونچ میں ھے اور زمین آزاد ھے چاند پانی میں اور روشنی میرے اندر ھر چیز اُلٹ پلٹ ھے جہاں ھونی تھی وھاں نہیں جیسے تُم کسی اور کے پاس ھو مَیں کسی اور کے پاس ھُوں
(رفیع رضا)
اردو میں اب تک لکھی جانے والی ایک نثری ، میری اس نثری سے کسی طرح بھی مختلف نہیں۔۔۔اور میں ایسی نثریاں ایک ھی نشست میں سینکڑوں لکھ سکتا ھُوں۔۔
اس میں یہ آسانی ھے کہ جو خیال آیا میں لکھتا گیا اُسے کسی ترتیب سے باندھنے کی محنت مجھےنہیں کرنا پڑی۔۔۔۔ ورنہ کُچھ مزید وقت لگ جاتا۔۔۔۔
ویسے ایک راز کی بات بتاوں؟۔۔
مجھے کُچھ محنت کر کے اپنے ذھن میں آئے ، پابند مصرع جات کو روکنا پڑا کیونکہ میری روانی میری محنت سے ایسی ھوگئی ھے کہ میں پابند ِ اوزان گفتگو بھی آسانی سے کر سکتا ھُوں۔۔۔۔
تین طرح کے لوگ نثری لکھنے کی کوشش کرتے ھیں۔۔
پہلے تو وُہ ھیں جو شُعرا ھیں پابند شُعرا ھیں اور تجرباتی طور پر یا امکانات بڑھانے کے منصوبے کے تحت ایسا کرتے ھیں جیسے ابرار احمد، رشید ندیم وغیرہ
دوسرے وُہ لکھنے والے ھیں جو مغرب کی نقالی میں یا مغرب کی ھم آھنگی میں یہ سمجھتے ھوئے کہ ھمیں بھی جدت اختیار کرنی چاھئیے اور ھم شاید بعض موضوعات اردو کی پابند نظم میں بوجوہ باندھنے سے معزور ھیں اس لئے ھمین نثری لکھنی چاھئیے۔۔
تیسری قسم کے لوگ وُہ ھیں جو اوزان کی حد تک معزور ھیں ان میں فطری میلانِ شاعری نہیں ھوتا اور عروض سیکھنے کی کوشش اور محنتِ سخن سے بھی عاری ھوتے ھیں۔ اردو شاعری میں اگر نثری کو کسی طرح جگہ دے بھی دی جائے تو اس تیری قسم کے لکھنے والوں کی نثریوں کی بدولت یہ صنف تباہ و برباد ھوجائے گی۔۔
جس صنف یا اسلوب پر کوئی قانون ھی مقرر نہ ھو وُہ مادر پدر آزاد ھوجاتا ھے۔۔۔اور بےرھروی غیر فطرتی چیز ھے۔۔
ڈرم کی تھاپ پر معصوم بچہ رقص کیوں کرنے لگتا ھے؟۔۔۔ اسلئے کہ اندرونی توازن ایک کیفیت پیدا کرتا ھے۔۔۔شور سُن کر کیوں کوئی بچہ رقص نہیں کرتا؟۔۔ اس لئے کہ یہ بے توزان بے ھنگم آوازیں ھیں جو اُلٹآ تکلیف دہ ھوتی ھیں۔۔ کسی زور دار آواز سے کوئی چونک بھی جاتا ھے۔۔۔
مُرغ کی چونچ میں سوُرج ۔۔۔کا پڑھ کو کوئی چونک تو جائے گا۔۔۔مگر اس کا اثر کتنی دیر تک رھے گا۔۔؟