پرچہ لیک ھو گیا ھے۔۔۔یہ لیں۔۔۔۔۔۔۔مین پوسٹ کر رھا ھُوں،،،،،،،،،،”پرچہ سٹریٹیجک سٹڈیز”
پاکستان ملٹری اکیڈمی کاکول
پی ایم اے لانگ کورس 117
پیپر III:سٹریٹیجک سٹڈیز
تھرڈ ٹرم:خزاں 2021
کل نمبر:100
وقت:دو گھنٹے چالیس منٹ
نوٹ:کوئی سے پانچ سوالات حل کریں۔تمام سوالات کے نمبر برابر ہیں
سوال نمبر ایک
(الف) "بلڈی سویلین” کون ہوتا ہے۔عاصمہ جہانگیر کی فیسبک/ٹویٹر کور فوٹو کے علاوہ اسکی کون کون سی اہم نشانیاں ہیں۔اسے ٹریک ڈاوُن،رام/ٹارچر اور قید/قتل/ریلیز کرنے کا سابق سیکٹر کمانڈر آئی ایس آئی ملتان بریگیڈئر طارق امین کا معروف سٹینڈرڈ آپریٹنگ پروسیجر سپرد قلم کریں۔(10)
(ب) "شہید کی جو موت ہے وہ قوم کی حیات ہے” ، "جنت تلواروں کے سائے ہے” اور "القاتلو فی سبیل اللہ” کے سلوگنز کو نان کمیشنڈ افسران اور سپاہیوں کو ہمہ وقت آمادہُ قتل رکھنے میں کس طرح ممدومعاون ہو سکتے ہیں۔ایک ایک عملی مثال سے واضح کریں۔(3+3+4)
سوال نمبر دو
(الف) پاک ایران بارڈر سے تیل،گاڑیاں،الیکٹرانکس،کمبل،ڈرائی فروٹ،کوکین،جنسی ادویات اور شراب کے سمگلنگ چینل کو سیکیور کرنے اور کمانڈر سدرن کمانڈ کو پچاس فیصد حصہ پہنچانے کے بعد بقیہ پیسوں کو ڈی ایچ اے/عسکری پراپرٹیز میں انویسٹ کر کے عسکری بینک کی وساطت سے وائٹ کر کے برٹش ورجن آئی لینڈز پہنچانے کا طریقہُ کار ایک آپریٹنگ کرنل کے نقطہُ نظر سے سپرد قلم کریں۔(10)
(ب) جنرل آفیسر کمانڈنگ مری اور جنرل آفیسر کمانڈنگ گلگت بلتستان کے آفیشل 330 پوما ہیلی کاپٹرز پر پکنک منانے جانے کے لئے کون کون سے مقامات موزوں ہیں۔کور کمانڈر سری نگر لیفٹننٹ جنرل سکھ یادیو سے مقبوضہ کشمیر میں پکنک منانے کی اجازت کو ملٹری انٹیلیجنس سے کس طرح مخفی رکھا جائے۔اس طرح کے ٹرپس میں سویلین سکریننگ کرتے وقت کن کن امور کو مدنظر رکھنا ضروری ہے نیز سپاہیوں کے سامنے مومن کمانڈر کے امیج کو کس طرح برقرار رکھا جائے۔تجاویز دیں۔(10)
سوال نمبر تین
(الف) یوکرین کے دارلحکومت کیف سے ایک ٹی 90 ٹینک پروکیور کرنے اور اسے آرڈیننس فیکٹری واہ میں الخالد ٹینک میں کنورٹ کرنے پر اگر سٹیٹ کے چار کروڑ ڈالر خرچ ہوتے ہیں تو یوکرین کے وزیر دفاع سرگئی رومانوف کو تمام پیمنٹ کرنے اور شپنگ کاسٹ کو منہا کر کے کتنے شادی ہالز ,پیزا شاپس اور سپر سٹورز بنائے جا سکتے ہیں۔ایک کیس سٹڈی کریں۔(10)
(ب) 1971 کی جنگ میں شکست کے بعد لیفٹننٹ جنرل امیر عبداللہ خان نیازی نے سپاہیوں اور افسران کی پتلونیں اتارنے کی تقریب کو مس ہینڈل کیا اور لیفٹننٹ جنرل جگجیت سنگھ اروڑہ کو میڈیا کوریج سے روکنے میں ناکام رکھ کر ہمارے ادارے کی جگ ہنسائی کا باعث بنے۔اس طرح کی صورتحال کو کس طریقے سے مینج کرنا چائیے تا کہ مستقبل میں لازمی بھرتی کا کڑوا گھونٹ نہ پینا پڑے۔تجاویز دیں۔(5)
(ج) پاکستان آرمی کو سٹاک ایکسچینج میں لسٹ کر کے اس کے حصص کو کیا غیر ملکی شہریوں کو فروخت کرنا کیا ملکی سیکیورٹی پہ سمجھوتہ ہو گا؟ آدم جی گروپ اور نشاط گروپ کس طرح سے پاکستان آرمی کو ٹف ٹائم دے سکتے ہیں اوراسے کس طرح مینج کیا جائے۔بحث کریں۔(5)
سوال نمبر چار
(الف) افغان طالبان کو سپورٹ کرنے پر افغان عوام کے اندر پاکستان آرمی کے لئے پائی جانیوالی نفرت اور کراہت کو کن طریقوں سے نیوٹرلائز کیا جا سکتا ہے۔تجاویز دیں۔(5)
(ب) مسئلہُ کشمیر کو زندہ رکھنا اور اسکے حل کی جانب ہونیوالی ہر پیشرفت کو ناکام بنانا ہمارے مفاد میں کیوں ضروری ہے۔ملیر کینٹ میں سری نگر اور کپواڑہ کے سیٹس اور مظلوم کشمیریوں کے میلے کچیلے کاسٹیومز کو 2021 کے مطابق ری ڈو کرنے کا پراجیکٹ شعیب منصور یا سید نور میں سے کس کو سونپنا زیادہ مفید رہے گا۔بحث کریں۔(5)
(ج) کنگز پارٹی کی تیاری جنرل الیکشن سے کتنا عرصہ پہلے شروع ہوتی ہے۔امیج بلڈنگ سے لیکر قومی و صوبائی اسمبلیوں میں اتحادیوں کی مدد سے خفیف اکثریت دیکر حکومت کو انڈرپریشر رکھنے کا طریقہُ کار موجودہ میڈیا کوریج کے دور میں کس طرح فول پروف بنایا جا سکتا ہے۔(10)
سوال نمبر پانچ
(الف) باجوہ ڈاکٹرائن نے پس پردہ رہ کر معاملات کو چلانے کی جو کوشش کی اس میں کیوں ناکام ہوئی۔اگر آپ آرمی چیف یعنی سربراہ مملکت بنتے ہیں تو اس ڈاکٹرائن میں کون کون سی تبدیلیاں کرینگے تا کہ ملک معاشی طور پر تباہ نہ ہو اور ہمیں لائنز شئیر ملتا رہے۔(10)
(ب) نصابی کتب،پرنٹ اور الیکٹرانک میڈیا اور 5 فروری،
23 مارچ،5 اگست،14 اگست اور چھ ستمبر کی تقاریب میں بھارت کی نفرت اور مسئلہ کشمیر حل ہونے تک اس کے ساتھ تجارتی ،تعلیمی،ثقافتی اور سیاحتی مراسم کا سوال ہی نہ اٹھنے کا بھرپور ریاستی بیانیہ اور امن کی آشا جیسی کمپینز کو مستقبل میں سبوتاژ کرنا کتنا ضروری ہے۔بحث کریں۔(10)
سوال نمبر چھ
(الف) اگر صدر مملکت یا وزیراعظم کا ملٹری سیکرٹری چھٹی پر ہو تو انکی تقاریر کا مسودہ جی ایچ کیو میں کون سی کنسرڈ اتھارٹی اپروو کریگی۔اس رئیل ٹائم کمیونیکیشن کو را،موساد،ایچ آر سی پی،سی آئی اے اور ایم آئی فائیو کی ممکنہ ہیکنگ سے کس طرح سیکیور کیا جا سکتا ہے۔اصول واضح کریں۔(10)
(ب) سابق آئی ایس آئی چیف لیفٹننٹ جنرل اسد درانی کو را چیف اے ایس دلت کیساتھ ملکر دا سپائی کرونیکلز لکھنے پر کورٹ مارشل سے بچانا کیوں ضروری تھا۔لیفٹننٹ جنرل آصف غفور نے بینگ ڈی جی آئی ایس پی آر جس طرح اس صورتحال کو مینج کیا کیا وہ بہترین ڈیمج کنٹرول تھا یا اس سے بھی بہتر طریقے سے صورتحال کو ہینڈل کیا جا سکتا تھا۔بحث کریں۔(10)
سوال نمبر سات
(الف) "میں ہر قسم کی سیاسی سرگرمی سے دور رہوں گا” پی ایم اے کاکول کے پاسنگ آوُٹ حلف میں اس جملے کی موجودگی مگر اس پر عملدرامد کرنے کی ضرورت کے نتیجے میں تھیوری اور پریکٹس کے تضاد کو ایک اوسط ذہانت کے افسر کے لاشعور میں کس طرح ریکنسائل کیا جا سکتا ہے۔واضح کریں۔(10)
(ب) ایک اپ بیٹ جنگی نغمے کو اے آر رحمان یا انو ملک سے دبئی میں کمپوز کروانے پر کتنا ٹائم صرف ہوتا ہے۔اس نغمے کو پاکستانی موسیقار سے منسوب کر کے آئی ایس پی آر کے ذریعے ریلیز کر کے جذباتی عوام کو قابو میں رکھنا کیا دفاعی وسائل کا ضیاع ہے یا ضرورت۔بحث کریں۔(10)،،،،،،،،،،،،،،،،،،،،،،،،،(رفیع رضا)